E-Paper
Advertisement

సోలార్ ప్యానెళ్లతో భవిష్యత్తులో ముప్పు తప్పదా? 25 ఏళ్ల తర్వాత ఏం జరగబోతుందంటే?

సోలార్ ప్యానెళ్లతో భవిష్యత్తులో ముప్పు తప్పదా?  25 ఏళ్ల తర్వాత ఏం జరగబోతుందంటే?
Advertisement

The Future Problem of Solar Panels: సూర్యరశ్మి నుంచి విద్యుత్ ఉత్పత్తి చేసే సోలార్ ఎనర్జీని ప్రపంచ వ్యాప్తంగా భవిష్యత్తు విద్యుత్ అవసరాలకు కీలకమైన మార్గంగా చూస్తున్నారు. బొగ్గు, చమురు ఇంధనాలపై ఆధారపడటాన్ని తగ్గించడంతో పాటు గ్రీన్ ఎనర్జీని ప్రోత్సహించడంలో సోలార్ పవర్ కీలక పాత్ర పోషిస్తోంది. అయితే, సోలార్ ప్యానెళ్ల వినియోగం భారీగా పెరుగుతున్న కొద్దీ మరో ప్రశ్న కూడా తెరపైకి వస్తోంది. వాటి లైఫ్ సైకిల్ పూర్తయిన తర్వాత వాటిని ఏం చేయాలి? రాబోయే సంవత్సరాల్లో పాత ప్యానెళ్ల సంఖ్య పెరగడంతో సోలార్ వ్యర్థాల నిర్వహణ పెద్ద సవాలుగా మారనున్నాయా? అనే అనుమానాలు వ్యక్తం అవుతున్నాయి.

ప్యానెల్ జీవితకాలం ఎంత?

సాధారణంగా ఒక సోలార్ ప్యానెల్ సుమారు 25 నుంచి 30 సంవత్సరాలు పనిచేసేలా రూపొందిస్తారు. కొన్ని ప్యానెళ్లు అంతకంటే ఎక్కువ కాలం కూడా విద్యుత్ ఉత్పత్తి చేయగలవు. అయితే, కాలం గడిచే కొద్దీ వాటి విద్యుత్ ఉత్పత్తి సామర్థ్యం క్రమంగా తగ్గుతుంది. ప్రస్తుతం ప్రపంచంలోని అనేక దేశాల్లో భారీ స్థాయిలో సోలార్ ప్రాజెక్టులు ఏర్పాటవుతున్నాయి. దీంతో గత కొన్నేళ్లలో ఇన్‌స్టాల్ చేసిన ప్యానెళ్లలో పెద్ద సంఖ్యలో రాబోయే దశాబ్దాల్లో రిటైర్ అయ్యే అవకాశం ఉంది.

సోలార్ వ్యర్థాలు ఎందుకు సమస్య?

Advertisement

సోలార్ ప్యానెల్‌లో గాజు, అల్యూమినియం ఫ్రేమ్, సిలికాన్ సెల్స్, రాగి, వెండి లాంటి విలువైన పదార్థాలతో పాటు కొన్ని మోడళ్లలో ఇతర రసాయన పదార్థాలు కూడా ఉంటాయి. ప్యానెళ్లను సరిగ్గా సేకరించి రీసైకిల్ చేయకుండా సాధారణ చెత్తతో కలిపి పడేస్తే పర్యావరణంపై ప్రభావం పడే అవకాశం ఉంటుంది. ముఖ్యంగా కొన్ని రకాల ప్యానెళ్లలో ఉండే సీసం, కాడ్మియం వంటి పదార్థాల విషయంలో సరైన వ్యర్థ నిర్వహణ అవసరం. అయితే, ప్రతి సోలార్ ప్యానెల్ ప్రమాదకరమైనదని చెప్పడం కూడా సరైనది కాదు. ప్యానెల్ రకం, తయారీ విధానం, అందులో ఉపయోగించిన పదార్థాలను బట్టి ప్రమాద స్థాయి మారుతుంది.

రీసైక్లింగ్ ఎందుకు అంత సులభం కాదు?

సోలార్ ప్యానెల్‌ ను రీసైకిల్ చేయడం అంటే కేవలం ప్యానెల్‌ను పగలగొట్టి గాజును వేరు చేయడం కాదు. అందులోని వివిధ పదార్థాలను విడదీసి తిరిగి ఉపయోగించాల్సి ఉంటుంది. గాజు, అల్యూమినియం లాంటి పదార్థాలను సేకరించడం ఈజీ.  కానీ, సిలికాన్, వెండి, ఇతర విలువైన పదార్థాలను అధిక నాణ్యతతో తిరిగి పొందేందుకు ప్రత్యేకమైన ప్రాసెస్ అవసరం. రవాణా, సేకరణ, ప్రాసెసింగ్ ఖర్చులు కూడా రీసైక్లింగ్‌ ను ఖరీదైనదిగా మార్చే అవకాశం ఉంటుంది.

‘సోలార్ చెత్త సునామీ’ వస్తుందా?

Advertisement

ప్రపంచవ్యాప్తంగా సోలార్ సామర్థ్యం వేగంగా పెరుగుతున్న నేపథ్యంలో భవిష్యత్తులో పాత ప్యానెళ్ల వ్యర్థాల పరిమాణం కూడా భారీగా పెరగొచ్చు. అందుకే నిపుణులు ఇప్పటి నుంచే రీసైక్లింగ్ వ్యవస్థలను సిద్ధం చేయాలని సూచిస్తున్నారు. ఇది ఒక్కసారిగా వచ్చే విపత్తు కంటే.. క్రమంగా పెరిగే వ్యర్థ నిర్వహణ సమస్యగా చూడాలి. అటు ఈ సమస్యను ఎదుర్కొనేందుకు ప్రపంచ వ్యాప్తంగా కొత్త రీసైక్లింగ్ పద్ధతులపై పరిశోధనలు జరుగుతున్నాయి. ప్యానెళ్లలో ఉపయోగించే పదార్థాలను తిరిగి పొందడం, ఉత్పత్తి ఖర్చులను తగ్గించడం, ప్యానెళ్లను సులభంగా విడదీసేలా డిజైన్ చేయడం వంటి అంశాలపై దృష్టి పెరుగుతోంది.  ఇప్పటి నుంచే సరైన రీసైక్లింగ్ వ్యవస్థలు, నిబంధనలు, టెక్నాలజీని అభివృద్ధి చేస్తే సోలార్ వ్యర్థాలను పర్యావరణ సమస్యగా మారకుండా నియంత్రించే అవకాశం ఉంది.

Read Also: సోమరితనం కూడా నేరమే.. ఈ దేశంలో పని చేయకపోతే శిక్ష తప్పదు!

Tags

Related News

పెళ్లిరోజు రాత్రి మహారాణికి జరిగిన అవమానం..ఉదయ్‌పూర్ ‘రూఠీ రాణి మహల్’ ఆసక్తికర కథ

కిటికీలో నుంచి చూస్తే స్వర్గమే.. జీవింతంలో ఒక్కసారైన చూడాల్సిన 5 అద్భుతమైన రైలు మార్గాలు!

రాత్రి అయితే చాలు.. ఈ ప్రదేశాలు మరో ప్రపంచంలా మారిపోతాయి!

రైలు పట్టాలు ఎందుకు తుప్పు పట్టవు? దీని వెనుక మ్యాజిక్ ఏంటి? ఓతూరి తెలుసుకుంటే పోలా!

ప్రపంచంలోనే అత్యంత పొడవైన రైలు.. ఇంజిన్ ఒక ఊరిలో, చివరి బోగి మరో ఊరిలో.. ఎన్ని కి.మీ అంటే?

భారతీయులకు ఫ్రీ ఎంట్రీ రద్దు.. వీసా రూల్స్ మార్చేసిన మలేసియా.. కారణం ఏంటంటే?

రైల్వే గ్రూప్ బుకింగ్ రూల్స్ ఛేంజ్.. ఇక ఎన్ని బెర్తులైనా బుక్ చేసుకోవచ్చా?

అక్వాన్ తుఫాను ఎఫెక్ట్.. 69 రైళ్లు రద్దు.. మీ ట్రైన్ కూడా ఉందా?

Big Stories

Advertisement
×