Hotel Bathroom: ఏదైనా లగ్జరీ హోటల్ బాత్రూమ్లోకి వెళ్లగానే ఒక రకమైన ఆహ్లాదకరమైన, సహజమైన తాజా సువాసన మనకు స్వాగతం పలుకుతుంది. సాధారణంగా ఇళ్లలో వాడే ఘాటైన పర్ఫ్యూమ్లు, రూమ్ ఫ్రెష్నర్ల వాసన అక్కడ అస్సలు కనిపించదు. నిజానికి హోటళ్లు కృత్రిమ సువాసనలతో దుర్గంధాన్ని కప్పిపుచ్చే ప్రయత్నం చేయవు. సైంటిఫిక్ పద్ధతులను అవలభించి.. ఆ దుర్వాసనలకు చెక్ పెడుతుంది. అది ఎలాగో ఈ కథనంలో చూద్దాం.
వాణిజ్యపరంగా లభించే ఎయిర్ ఫ్రెష్నర్లు దుర్గంధాన్ని తొలగించవు కేవలం తాత్కాలికంగా కప్పిపుచ్చుతాయి. అంతేకాకుండా ఇవి గాలిలోకి హానికరమైన రసాయనాలను విడుదల చేస్తాయి. ఇవి ఇండోర్ వాయు కాలుష్యానికి కారణమవ్వడమే కాకుండా శ్వాసకోశ సమస్యలకు దారితీస్తాయి. అందుకే ప్రముఖ లగ్జరీ హోటళ్లలో చెడు వాసనలకు కారణమయ్యే తడి గుడ్డలు, నిలిచిపోయిన నీరు, గాలి ఆడకపోవడం వంటి సమస్యలను పరిష్కరించడానికే ప్రాధాన్యం ఇస్తారు. కృత్రిమ సువాసనల కంటే సహజమైన పద్ధతుల్లో గాలి వెలుతురు వచ్చేలా బాత్రూమ్ లను డిజైన్ చేస్తారు.
సాధారణంగా దుర్వాసనలు తొలగించాలంటే అవి ఎలా ఏర్పడతాయో తెలుసుకోవడం ముఖ్యం. బాత్రూమ్లలో ఎప్పుడూ ఉండే తేమ కారణంగా బ్యాక్టీరియా వేగంగా పెరుగుతుంది. ముఖ్యంగా డ్రెయిన్ పైపులు, సింకుల్లో ‘బయోఫిల్మ్’ అనే సన్నని జిగట పొరలాంటిది ఏర్పడుతుంది. ఇది బ్యాక్టీరియా మనుగడకు స్థావరంగా మారి హైడ్రోజన్ సల్ఫైడ్ వంటి వాయువులను విడుదల చేస్తుంది. దీనివల్ల కుళ్లిన గుడ్ల వాసన వంటి అసహ్యకరమైన దుర్గంధం వస్తుంది. అలాగే బాత్రూమ్ కమోడ్ ఫ్లష్ చేసినప్పుడు వేల సంఖ్యలో మైక్రోబ్స్ గాల్లోకి విడుదలవుతాయి. సరిగ్గా వెంటిలేషన్ లేకపోతే ఇవి గాలిలోనే ఉండిపోయి దుర్గంధాన్ని కలిగిస్తాయి. గదిలో తేమ శాతం 60 కంటే ఎక్కువైతే బ్యాక్టీరియా పెరుగుదల, వాసనల తీవ్రత రెట్టింపు అవుతాయని అధ్యయనాలు స్పష్టం చేస్తున్నాయి.
హోటళ్లలో నిరంతరం పనిచేసే ఎగ్జాస్ట్ సిస్టమ్లు బాత్రూమ్లోని తేమతో కూడిన గాలిని బయటకు పంపి, నిరంతరం తాజా గాలిని లోపలికి తీసుకొస్తాయి. గాలి నిరంతరం ఆడుతూ ఉండటం వల్ల ఎలాంటి కృత్రిమ పర్ఫ్యూమ్లు వాడాల్సిన అవసరం లేకుండానే బాత్రూమ్ ఎప్పుడూ పరిశుభ్రంగా ఉంటుంది.
ఇదిలా ఉంటే హోటళ్లలో డ్రెయిన్లను శుభ్రం చేయడానికి బేకింగ్ సోడా, వెనిగర్ మిశ్రమాన్ని ఉపయోగిస్తారు. బేకింగ్ సోడా ఆమ్ల గుణాలను తగ్గిస్తే.. వెనిగర్ పైపుల్లో పేరుకుపోయిన ఆర్గానిక్ వ్యర్థాలను కరిగిస్తుంది. ఈ మిశ్రమం కేవలం 30 నిమిషాల్లో డ్రెయిన్లలో వాసన కలిగించే బ్యాక్టీరియాను 92 శాతం వరకు నాశనం చేస్తుందని పరిశోధనల్లో తేలింది. కాబట్టి హానికర రసాయనాలు కలిగిన క్లీనర్ల కంటే ఇది చాలా ఉత్తమమైనది. అలాగే సర్ఫేస్ క్లీనింగ్ కోసం మైక్రోఫైబర్ క్లాత్లను వాడటం వల్ల బ్యాక్టీరియాను సులభంగా తొలగించవచ్చు.
Also Read: బిగ్ టీవీ ఎఫెక్ట్.. మత్తు వదిలిన యంత్రాంగం.. రాత్రికి రాత్రే మెట్రో పిల్లర్ గుంతల పూడ్చివేత!
ఈ పద్ధతిని ఇంట్లో అమలు చేయడం చాలా సులభం. క్రమం తప్పకుండా డ్రెయిన్లను బేకింగ్ సోడా, వెనిగర్తో శుభ్రం చేయడం, ఎగ్జాస్ట్ ఫ్యాన్ ద్వారా వెంటిలేషన్ సరిగ్గా ఉండేలా చూసుకోవడం, తడి బట్టలను వెంటనే ఆరబెట్టడం, బొగ్గు లేదా కాఫీ పొడి వంటి సహజ పదార్థాలను చెడు వాసనలు పీల్చడానికి ఉపయోగించడం అలవాటు చేసుకోవాలి. రోజుకు కొద్ది సమయం కేటాయించి క్రమం తప్పకుండా ఈ పద్ధతులు పాటిస్తే.. ఇంటి బాత్రూమ్ కూడా ఏ స్టార్ హోటల్కూ తీసిపోని విధంగా ఎప్పుడూ ఆహ్లాదకరంగా, పరిశుభ్రంగా ఉంటుంది.
Also Read: వాడిన టీ బ్యాగ్స్ పారేస్తున్నారా? తప్పు చేస్తున్నట్లే.. వాటివల్ల ఎన్ని లాభాలో తెలుసా?
Share
పెళ్లి నుంచి లేచిపోడానికి ప్లాన్ చేసే జంట.. అనుకోకుండా బయటపడే సీక్రెట్తో హంగామా!
గ్లింప్స్తోనే కథపై క్యూరియాసిటీ పెంచేసిన ‘వెట్టువం’.. ఇదేం కాన్సెప్ట్ రా బాబు!
