Visakhapatnam Crime: భార్య పేకాటపై భర్త కంప్లైంట్.. పెద్ద సంఖ్యలో చిక్కిన పేకాట రాణులు..!

Visakhapatnam Crime: ఓ భర్త, ఇంట్లో భార్య రోజూ బయటకు వెళ్లి రావడాన్ని గమనిస్తూ, పేకాట ఆడుతోందని అనుమానంతో పోలీస్ స్టేషన్లో ఫిర్యాదు చేశాడు. మొదట్లో స్థానిక పోలీసు స్టేషన్లో అతని ఫిర్యాదును పట్టించుకోకపోయినా, పైఅధికారి స్థాయిలో చెప్పడంతో వ్యవహారం ఊహించని మలుపు తిరిగింది. చివరకు పోలీసుల దాడిలో అసలు గుట్టు వెలుగులోకి వచ్చింది. పట్టుబడిన వారు ఎవరూ ఊహించని విధంగా మహిళలు కావటం, అంతా ఒకే ప్రాంతంలో కూర్చుని పేకాట ఆడుతుండటం స్థానికులను ఆశ్చర్యకితులను చేసింది.

గుట్టు చప్పుడు కాకుండా… గుట్టు రట్టు
విశాఖలోని ఒక నివాస భవనం పేకాట ‘అడ్డా’గా మారింది. నిత్యం పేకాట ఆడుతున్న ఆరుగురు మహిళలు లలిత నగర్ ప్రాంతంలోని ఓ ఇంట్లో రొటీన్‌గా జూదంలో మునిగిపోయారు. అయితే మామూలుగా ఎవరికీ అనుమానం రాకుండా వ్యవహరిస్తూ వస్తుండగా, భర్త తన భార్యపై పెట్టిన అనుమానం పోలీసులకు ఫిర్యాదుగా మారింది.

టాస్క్ ఫోర్స్ రంగంలోకి.. ఆరుగురు మహిళలు అదుపులోకి
భర్త ఫిర్యాదు తర్వాత నగరంలోని టాస్క్ ఫోర్స్ పోలీసులు సీక్రెట్‌గా సమాచారం సేకరించి, లలిత నగర్‌లో ఆ ఇంటిపై దాడి చేశారు. సరిగ్గా అందరూ ఆటలో ఉండగా.. పోలీసులు అక్కడికి చేరుకొని ఆరుగురు మహిళలను అదుపులోకి తీసుకున్నారు. వారి వద్ద నుండి రూ.22,000 నగదును స్వాధీనం చేసుకున్నారు.

కేసు నమోదు, దర్యాప్తు
టాస్క్ ఫోర్స్ పోలీసులు ఇప్పటివరకు ఆ మహిళల వివరాలు సేకరించి, స్థానిక పోలీస్ స్టేషన్లో కేసు నమోదు చేశారు. అంతే కాకుండా, ఈ గృహం ఎవరిది? ఇలాంటివే ఇంకెన్ని ఉన్నాయన్న కోణంలో దర్యాప్తు ప్రారంభించారు. పట్టుబడిన మహిళలు సంతానంతో ఉన్న గృహిణులు కావటం, ఆర్థిక అవసరాలు లేదా మోజు కారణంగా ఇలా జరిగిందా అన్నదానిపై పోలీసులు ఆరా తీస్తున్నారు.

ఇంటి తలుపులు మూసుకుని.. పేకాటలో మునిగిన రాణులు
ఈ ఘటన వెలుగులోకి రావడంతో ఆ ప్రాంత ప్రజలలో ఆందోళన నెలకొంది. ఇక్కడ ఇలాంటి పనులు జరుగుతున్నాయనేది ఊహించలేదు.. గృహిణులు ఇలాంటివి చేస్తే పిల్లలకు ఏం బుద్ధి వస్తుంది? అంటూ కొంతమంది స్థానికులు మాట్లాడారు. ఇక పట్టుబడిన మహిళల కుటుంబ సభ్యులు మాత్రం మౌనమే వహిస్తున్నారు. ఆడవాళ్లు ఇలాంటివి చేస్తే కుటుంబం నాశనం అవుతుందని కొంతమంది వ్యాఖ్యానిస్తున్నారు.

Also Read: Wholesale vs Retail: హోల్‌సేల్ vs రిటైల్ మార్కెట్.. ఏది బెటర్? ఎక్కడ కొనాలి?

పోలీసుల నిర్లక్ష్యం?.. బాస్ ఎంటర్!
ఇంట్లో భార్యపై అనుమానం వచ్చిన భర్త, మొదట స్థానిక పోలీస్ స్టేషన్లో ఫిర్యాదు చేశాడు. కానీ అక్కడ వారు ‘ఇంటర్వల్’ తీసుకుంటూ వ్యవహరించడంతో, విసుగెత్తిన అతను ఎటు మలుపు తిరుగుతుందో తెలియని పరిస్థితుల్లో ఉన్నా, ఓ పెద్ద అధికారిని సంప్రదించి వివరంగా వివరించాడు. దీంతో టాస్క్ ఫోర్స్ చర్యకు దిగింది.

ఇదే తొలిసారి కాదు..
పేకాట అంటే కేవలం మగవాళ్లకే సంబంధించినది అనే అభిప్రాయం మారుతోంది. ఇటీవల అనేక పట్టణాల్లో మహిళలు కూడా పేకాట జూదాల్లో మునిగిపోతున్న ఘటనలు వెలుగులోకి వస్తున్నాయి. ఇది వారికే కాకుండా కుటుంబాలకు, సమాజానికే ప్రమాదకరమని నిపుణులు హెచ్చరిస్తున్నారు. కాస్త సమయం గడపాలని, సరదాగా ఉంటుందని మొదలైన ఆట.. చివరికి చట్టానికి ఎదురయ్యే స్థాయికి వెళ్తే అది తప్పదన్నది మరోసారి ఈ ఘటన ద్వారా రుజువైంది. ఇప్పుడు మహిళలపై కేసు నమోదు కాగా, పోలీసులు మిగతా సంబంధిత వివరాలు కూడా వెలికి తీయాలని చూస్తున్నారు.