మనం ఎదగడం కాదు.. మన ఎదుగుదలకు కారణమైనవారిని కూడా మనతోపాటూ ఎదగనివ్వడమే అసలైన విజయం. ఉద్యోగులకు జీతం పడేస్తే పనిచేస్తారులే అని కొంతమంది బాస్‌లు అనుకుంటారు. కానీ, ఆ సంస్థ ఎదుగుదలకు పునాదులు వారే అనే విషయాన్ని గ్రహించలేరు. కొందరు మాత్రం.. ఉద్యోగులను తమ సొంత ఫ్యామిలీలా ట్రీట్ చేస్తారు. వారి కష్టాన్ని గుర్తించి.. తగిన జీతాలు, బోనస్‌లు ఇస్తారు. షేర్లు సైతం ఇచ్చి సంతోషపెట్టిన బాసులు కూడా ఉన్నారు. ఆ జాబితాలో తాజాగా చైనాకు చెందిన ఓ లేడీ బాస్ సైతం చేరారు.
చైనాకు చెందిన మా యాన్లీ అనే మహిళ.. హెనాన్ ప్రావిన్స్‌లోని జియాయోజులో బియాంగ్ బీఫ్ హాట్‌పాట్ రెస్టారెంట్లు నెడుపుతున్నారు. ఇటీవల ఆమె.. తన ఉద్యోగులకు ఊహించని సర్‌ప్రైజ్ ఇచ్చింది. తమ రెస్టారెంట్ కోసం ఎండా, వాన, చలి అని చూడకుండా కష్టపడుతున్న ఉద్యోగులను గుర్తించింది. వారికి BMW కార్లను ఇచ్చి ఆశ్చర్యపరిచింది. ఇకేం ఉంది.. ఈ వార్త దావనంలా వ్యాప్తి చెందింది. ఈ విషయం తెలిసి.. నిజంగా ఆ లేడీ బాస్ దేవత అని అంటున్నారు జనం.
తమ ఉద్యోగులు తీవ్రమైన చలిని సైతం లెక్క చేయకుండా ఎలక్ట్రిక్ స్కూటర్లపై రావడం చూసి యాన్లీ చలించిపోయింది. ఖర్చును కూడా లెక్క చేయకుండా.. ఉత్తమ ఉద్యోగులుగా ఎంపికైన ఇద్దరికి ఏకంగా రూ.52 లక్షలు విలువ చేసే బీఎండబ్ల్యూ కార్లను ఇచ్చింది. అయితే, ఈ విషయాన్ని ఆమె ముందుగా వారికి చెప్పలేదు. బయటకు వెళ్దాం.. పదండి అంటూ.. బీఎండబ్ల్యూ కార్ల షో రూమ్‌కు తీసుకెళ్లింది. ఆ కార్ల తాళాలు వారి చేతుల్లో పెట్టి ఊహించని సర్‌ప్రైజ్ ఇచ్చింది. ఎలాంటి షరతులు, అగ్రిమెంట్లు లేకుండా నేరుగా ఉద్యోగుల పేరు మీదనే కార్లను రిజిస్ట్రేషన్ చేయించడం విశేషం.
Also Read: ‘హనుమాన్ అంశ్’ మూవీ ఎఫెక్ట్.. కైంచి ధామ్‌లో ఏకంగా 20 కి.మీ. ట్రాఫిక్ జామ్!
యాన్లీ ఏ మీడియా సంస్థతో మాట్లాడుతూ.. ‘‘గత ఏడాది చలికాలంలో నాకు ఈ ఆలోచన వచ్చింది. ఎనిమిదేళ్లుగా నా దగ్గర పనిచేస్తున్న లీ జీ అనే మహిళా ఉద్యోగి ఒకరోజు ఉదయం.. విపరీతమైన చలిగాలుల్లో స్కూటర్‌పై ఆఫీసుకు వచ్చింది. చలికి ఆమె ముఖం, చెవులు ఎర్రబడి, చేతులు బిగుసుకుపోయి ఉన్నాయి. ఆమెను అలా చూసి మనసు చలించిపోయింది. నేను కారులో హాయిగా వెచ్చగా ప్రయాణిస్తున్నా. అలాంటిది నా సంస్థ విజయానికి రాత్రిబంవళ్లు కష్టపడే నా ఉద్యోగి ఎందుకు ప్రయాణించకూడదు. కంపెనీ సాధించిన విజయంలో నా ఉద్యోగులకు కూడా భాగస్వామ్యం ఉండాలని ఆలోచించే ఈ నిర్ణయం తీసుకున్నా’’ అని ఆమె తెలిపారు. లీజీతోపాటు ల్యూ ఇంగ్ ఇంగ్ అనే మరో ఉత్తమ ఉద్యోగికి కూడా ఆమె బీఎండబ్ల్యూ కారును గిఫ్టుగా ఇచ్చారు.
Also Read: ట్రంప్‌కు బంగారు విగ్రహం.. కానీ, బట్టల్లేకుండా.. ఏందయ్యా ఇది?
Share
మళ్లీ మొదలైన రచ్చ... నలుగురు ఫ్రెండ్స్ లైఫ్లో నెక్స్ట్ లెవెల్ ట్విస్టులతో సీజన్ 2 స్ట్రీమింగ్ షురూ
‘మోదీ గారూ కళ్ళు తెరవండి'.. ధర్మేంద్ర ప్రధాన్ ఇష్యూతో సీఎం రేవంత్ స్ట్రాంగ్ వార్నింగ్!
