పసికందుల విక్రయ దందా పై హైకోర్టు ఫైర్.. ఆ శాఖకు నోటీసులు జారీ?

Illegal Adoption: మల్కాజ్‌గిరిలో 15 మంది. సూర్యాపేటలో మరో 11 మంది. అక్రమ దత్తత రాకెట్ నుంచి పోలీసులు రక్షించిన పసిపిల్లల సంఖ్య ఇది. వీళ్లందరినీ ఇప్పుడు ప్రభుత్వ సంరక్షణలో ఉంచారు. రాష్ట్రవ్యాప్తంగా 30 అక్రమ దత్తత కేసుల్లో దర్యాప్తు కొనసాగుతోందని పోలీసులు కోర్టుకు తెలిపారు. మొత్తం 176 మందిని నిందితులుగా గుర్తించారు.

స్కూల్ టీచర్లతో..

వీళ్లలో పిల్లల్ని కొనేవాళ్లు, అమ్మేవాళ్లు, మధ్యవర్తులు, ఆర్గనైజర్లు అంతా ఉన్నారు. కానీ, అసలు ప్రశ్న ఇక్కడే తలెత్తుతోంది. ఇప్పటివరకు కేవలం 27 మంది పిల్లల కన్నతల్లిదండ్రులను మాత్రమే గుర్తించగలిగారు. మిగతా పిల్లల తల్లిదండ్రుల ఆచూకీ ఇప్పటికీ దొరకలేదు. చాలామంది పసికందులు.. వాళ్ల అసలు తల్లిదండ్రులు ఎవరో తెలియని పరిస్థితి. అనేక మంది నిందితులు, కీలక మహిళా దళారీ ఇంకా పరారీలోనే ఉన్నారు. అంగన్‌వాడీలు, స్కూల్ టీచర్లతో గ్రామ స్థాయిలో యంత్రాంగం ఉన్నా.. పిల్లల మూలాలు కనుక్కోలేకపోవడంపై ధర్మాసనం ఆందోళన వ్యక్తం చేసింది.

Also read: ముంబయిలో దోపిడికి స్కెచ్.. నగరంలో క్యాబ్ డ్రైవర్ హత్య.. పటాన్ చెరు మర్డర్ కేసులో సంచలన నిజాలు!

శిశు కేంద్రం..

మరోవైపు నల్గొండ శిశు కేంద్రంపై అమికస్ క్యూరీ సమగ్ర నివేదిక సమర్పించారు. పిల్లలకు వైద్య పరీక్షలు, సైకాలజిస్ట్ సేవలు అందించాలని సూచించారు. శిశు కేంద్రం వద్ద భద్రతా సిబ్బందిని నియమించాలని సిఫారసు చేశారు. పిల్లల పోషణ, దుస్తులు, వైద్య ఖర్చుల కోసం నిధులు పెంచాలని కూడా కోరారు. ఈ కేసులో హోంశాఖ, మహిళా శిశు సంక్షేమ శాఖను హైకోర్టు పార్టీలుగా చేర్చింది.

తప్పిపోయిన 27 మంది..

డీజీపీ మహిళా భద్రతా విభాగం, టెస్లాను కూడా పార్టీలుగా చేర్చాలని ఆదేశించింది. తప్పిపోయిన 27 మందికి తల్లిదండ్రులు దొరికారు. మరి.. మిగతా పిల్లల పరిస్థితేంటి? ఈ ప్రశ్నకు సమాధానం కోసం.. రాష్ట్ర ప్రభుత్వం అఫిడవిట్లు దాఖలు చేయాలి. ఈ కేసులో.. హోంశాఖ, మహిళా శిశు సంక్షేమ శాఖను పార్టీలుగా చేర్చింది హైకోర్టు. డీజీపీ మహిళా భద్రతా విభాగం, టెస్లాను కూడా పార్టీలుగా చేర్చాలని ఆదేశించింది. తదుపరి విచారణని.. అక్టోబర్ 5కి వాయిదా వేసింది.

Also read: SLBC సొరంగ మార్గం పూర్తయితే.. ఇక నా జన్మధన్యమే.. మంత్రి కోమటిరెడ్డి ఆసక్తికర వ్యాఖ్యలు!