Kamal Haasan: తెలుగు చిత్ర పరిశ్రమ ఒకప్పుడు ఎందరో ప్రతిభావంతులైన నటీనటులకు వేదికైంది. ఇక్కడ స్టార్‌డమ్‌ను అందుకున్న కొందరు తారలు, ఆ తర్వాత ఇతర భాషల్లో తమ సత్తా చాటారు. అయితే, కాలక్రమంలో తెలుగు ప్రేక్షకులకు కాస్త దూరమయ్యారు. ఇప్పుడు పరిస్థితులు పూర్తిగా మారిపోయాయి. తమిళ చిత్రాలు తెలుగులో విడుదలవుతున్న తీరు కొంత ఆశ్చర్యాన్ని కలిగిస్తోంది. చిత్రాల పేర్లు తెలుగువారికి అర్థం కాకుండా ఉండటం, కొన్నిసార్లు తెలుగు భాషను పట్టించుకోనట్లుగా అనిపించడం నిరాశ కలిగిస్తోంది. అయితే.. కంటెంట్ బాగుంటేనే తెలుగు వాళ్లు కూడా ప్రోత్సహిస్తున్నారు. కొన్ని సార్లు తమ భాషను గౌరవించని చిత్రాలను తెలుగు ప్రేక్షకులు అంతగా ఆదరించడం లేదు. ఈ నేపథ్యంలో, విశ్వనటుడు కమల్ హాసన్ స్వయంగా రంగంలోకి దిగారు. తన రాబోయే చిత్రం ‘థగ్ లైఫ్’ తెలుగు ప్రమోషన్స్‌లో చురుగ్గా పాల్గొంటూ, తెలుగు ప్రేక్షకులతో కనెక్ట్ అయ్యే ప్రయత్నం చేస్తున్నారు.
తెలుగు ఆడియన్స్ కోసం రంగంలోకి కమల్..
ఇండియన్ సినిమా క్లాసిక్స్‌లో ఒకటైన ‘నాయకుడు’ తర్వాత కమల్ హాసన్, మణిరత్నం కలిసి పనిచేస్తున్న చిత్రం ‘థగ్ లైఫ్’పై తెలుగు సినీ అభిమానుల్లోనూ భారీ అంచనాలు నెలకొన్నాయి. వీరిద్దరి కాంబినేషన్ అంటేనే ఒక ప్రత్యేకమైన మ్యాజిక్. గతంలో వీరి కలయికలో వచ్చిన ‘నాయకుడు’ చిత్రం తెలుగునాట కూడా సంచలనం సృష్టించింది. ఇప్పుడు మళ్లీ ఈ ఇద్దరూ కలిసి పనిచేస్తుండటంతో అంచనాలు ఆకాశాన్ని తాకుతున్నాయి. ఇటీవల విడుదలైన ‘జింగుచా..’ పాట అన్ని భాషల్లోనూ విశేషమైన స్పందనను అందుకోవడం ఈ సినిమాపై ఉన్న ఆసక్తిని మరింత పెంచింది. ఈ చిత్రం ఒక మాఫియా నేపథ్యంలో సాగే గ్రిప్పింగ్ గ్యాంగ్‌స్టర్ డ్రామా అని, బలమైన ఎమోషన్స్ ఈ కథనానికి ప్రధాన బలంగా ఉంటాయని మణిరత్నం స్వయంగా వెల్లడించారు. ‘నాయకుడు’ చిత్రంలోని కమల్ హాసన్ పాత్ర ఎంత బలమైనదో, ‘థగ్ లైఫ్’లో కూడా ఆయన పాత్ర అంతకు ఏమాత్రం తగ్గకుండా ఉంటుందని చిత్ర యూనిట్ చెబుతోంది. అంతేకాదు, శింబు పోషిస్తున్న పాత్ర కూడా కథకు ప్రత్యేకమైన బలాన్ని, డైనమిజమ్‌ను అందిస్తుందని మేకర్స్ ఆశాభావం వ్యక్తం చేస్తున్నారు.
కమల్ మూవీ వచ్చేది అప్పుడే ..
మణిరత్నం సినిమాల్లోని భావోద్వేగాల గురించి ప్రత్యేకంగా చెప్పాల్సిన పనిలేదు. ఆయన ప్రతి సినిమాలోనూ మానవ సంబంధాలలోని లోతులను అద్భుతంగా ఆవిష్కరిస్తారు. ‘థగ్ లైఫ్’లో ఆ ఎమోషన్స్ మరింత లోతుగా, బలంగా ఉంటాయని చిత్ర బృందం నమ్మకంగా చెబుతోంది. ఈ చిత్రం జూన్ 5న ప్రపంచవ్యాప్తంగా విడుదల కానుంది. ఇందులో కమల్ హాసన్‌కు జోడీగా త్రిషా కృష్ణన్ నటిస్తుండగా, సాన్య మల్హోత్రా, అశోక్ సెల్వన్, అభిరామి, ఐశ్వర్య లక్ష్మి, జోజు జార్జ్ వంటి ప్రతిభావంతులైన నటీనటులు కీలక పాత్రలు పోషిస్తున్నారు. రవి కె. చంద్రన్ అందించిన విజువల్స్, ఏ.ఆర్. రెహమాన్ అందించిన సంగీతం ఈ చిత్రానికి మరింత ప్రత్యేకతను తీసుకురానున్నాయి. ప్రముఖ నిర్మాత ఉదయనిధి స్టాలిన్ ఈ చిత్రాన్ని భారీ స్థాయిలో నిర్మిస్తున్నారు.
?igsh=ZjFkYzMzMDQzZg==
Share
Indiramma Houses: ఇందిరమ్మ ఇళ్లు నిర్మిస్తే సరిపోదు.. ఇవి తప్పక తెలుసుకోండి
Operation Sindoor : చచ్చాడు చెత్త వెదవ.. మసూద్ అజార్ సోదరుడు హతం..
