Vidaamuyarchi First Single: కోలీవుడ్ స్టార్ హీరో అజిత్ గురించి తెలుగు ప్రేక్షకులకు ప్రత్యేకంగా పరిచయం చేయాల్సిన అవసరం లేదు. తమిళ్ లో ఆయనకు ఎంతమంది ఫ్యాన్స్ ఉన్నారో.. తెలుగులో కూడా అంతేముంది ఉన్నారు. తెలుగు ప్రేక్షకులు హీరోలను కాదు.. కథ నచ్చితే ఆ సినిమాను హిట్ చేసేస్తారు. అయితే కోలీవుడ్ నుంచి వచ్చిన స్టార్స్ లో రజినీకాంత్, విజయ్, అజిత్, సూర్య, ధనుష్ లాంటి హీరోలకు తెలుగులో కూడా మంచి డిమాండ్ ఉంది. ఇక ఆ హీరోల సినిమాలు వస్తున్నాయి అంటే తెలుగులో కూడా హడావిడి మొదలవుతుంది.
తాజాగా అజిత్ నటించిన కొత్త చిత్రం విడాముయార్చి. ప్రముఖ రచయిత మగిళ్ తిరుమేని దర్శకత్వం వహిస్తున్న ఈ చిత్రాన్ని లైకా ప్రొడక్షన్స్ బ్యానర్పై సుభాస్కరన్ అల్లిరాజా భారీ బడ్జెట్తో నిర్మిస్తున్నాడు. ఇక ఈ మూవీలో త్రిష హీరోయిన్గా నటిస్తుండగా.. అర్జున్ సర్జా, రెజీనా కసాండ్రా, ఆరవ్ కీలక పాత్రల్లో నటిస్తున్నారు.
Jabardasth Sowmya Rao: ఈ ఇండస్ట్రీని నమ్ముకుంటే అంతే.. హాట్ యాంకర్ సంచలన వ్యాఖ్యలు
దాదాపు 13 సంవత్సరాల విరామం తర్వాత తల అజిత్, అర్జున్ సర్జా, త్రిష కలిసి నటిస్తున్నారు. వీరు ముగ్గురు కలిసి గ్యాంబ్లర్ అనే సినిమాలో నటించారు. ఈ సినిమా భారీ విజయాన్ని అందుకుంది. ఇప్పుడు మరోసారి ఈ కాంబో రిపీట్ అవ్వడంతో సినిమాపై అంచనాలు పెరిగాయి.
ఇప్పటికే ఈ సినిమా నుంచి రిలీజైన పోస్టర్స్, స్పెషల్ గ్లింప్స్ ప్రేక్షకులను విశేషంగా ఆకట్టుకున్నాయి. ఈ సినిమా వచ్చే 2025 సంక్రాంతి రేసులో దిగనుంది. రిలీజ్ డేట్ దగ్గరపడుతుండటంతో ప్రమోషన్స్ మొదలుపెట్టిన మేకర్స్ తాజాగా విడాముయార్చి నుంచి మొదటి లిరికల్ సాంగ్ ను రిలీజ్ చేశారు.
సవదీక అంటూ సాగిన ఈ సాంగ్ ఆద్యంతం ఆకట్టుకుంటుంది. కోలీవుడ్ స్టార్ మ్యూజిక్ డైరెక్టర్ అనిరుధ్ మ్యూజిక్ అందించిన మ్యూజిక్ నెక్స్ట్ లెవెల్ ఉందని చెప్పాలి. మంచి పార్టీ థీమ్ తో ఈ సాంగ్ నడుస్తున్నట్లు వీడియోలో కనిపిస్తుంది.
ఇక సాంగ్ అంతా ఒక ఎత్తు అయితే అజిత్ స్టైల్ మరో ఎత్తు. వైట్ హెయిర్, సూట్.. క్లీన్ షేవ్ తో అల్ట్రా స్టైలిష్ లుక్ లో అదరగొట్టేశాడు. ఇంకోపక్క త్రిష కూడా తన అనడంతో మెస్మరైజ్ చేసింది. అరివు లిరిక్స్ అందించిన ఈ సాంగ్ ను ఆంథోని దాసన్ పాడగా.. వోకల్స్ ను అనిరుధ్ పాడాడు. ప్రస్తుతం ఈ సాంగ్ సోషల్ మీడియాను షేక్ చేస్తోంది.
యాక్షన్ సర్వైకల్ డ్రామా నేపథ్యంలో తెరకెక్కుతున్న ఈ సినిమాలో అజిత్ సరికొత్త అవతార్లో కనిపించనున్నాడు. అజిత్ ఫ్యాన్స్ ఈ సినిమాపై చాలా ఆశలు పెట్టుకున్నారు. గత కొన్నేళ్ళుగా అజిత్ కు మంచి హిట్ అందింది లేదు. అందుకే ఈ సినిమా మంచి హిట్ కావాలని కోరుకుంటున్నారు. మరి ఈ సినిమాతో అజిత్ ఎలాంటి విజయాన్ని అందుకుంటాడో చూడాలి.
Share
AP Govt: ఏపీ పింఛన్ దారులకు గుడ్ న్యూస్.. ప్రభుత్వం కీలక నిర్ణయం.. న్యూ ఇయర్ గిఫ్ట్ మీకోసమే!
Indians: ఇండియన్స్లో ఆ విటమిన్ లోపం.. ఈ తప్పులు చేస్తే ఆరోగ్యం షెడ్డుకే!
