Black man in Ohio dies: అమెరికాలో పోలీసుల దారుణాలకు అంతులేకుండా పోతోంది. ఓ నల్ల జాతీయుడ్ని కింద పడేసి మెడపై మోకాలితో అదిమిపడ్డాడు ఓ పోలీసు అధికారి. తీవ్ర అస్వస్థతకు గురైన ఓ వ్యక్తి ట్రీట్‌మెంట్ తీసుకుంటూ ప్రాణాలు కోల్పోయిన ఘటన ఇప్పుడు అమెరికాలో హాట్ టాపిక్ అయ్యింది. దీనికి సంబంధించి వీడియో వెలుగులోకి రావడంతో పోలీసుల తీరుపై సర్వత్రా విమర్శలు వ్యక్తమవుతున్నాయి.
మరణించిన వ్యక్తి పేరు ఫ్రాంక్ టైసన్, ఆయన వయస్సు 53 ఏళ్లు. హిట్ అండ్ రన్ కేసులో నిందితుడిగా అనుమానిస్తున్న పోలీసులు ఓ బార్‌లో బలవంతంగా అతడ్ని పట్టుకున్నారు. అయితే టైసన్‌ను అదుపులోకి తీసుకునే క్రమంలో పోలీసులతో వాగ్వాదం చోటు చేసుకుంది. తనను చంపడానికి పోలీసులు వస్తున్నారంటూ టైసన్ కేకలు వేయడం ఆ వీడియోలో స్పష్టంగా వినిపించింది. ఆ తర్వాత పోలీసులు అతడ్ని కింద పడేసి చేతికి బేడీలు వేశారు. ఓ అధికారి అతడి మెడపై మోకాలితో అదిమిపట్టాడు.
కొద్దిసేపటికి టైసన్ స్పృహ కోల్పోయాడు. వెంటనే బేడీలు తీసి వెంటనే అంబులెన్స్‌లో ఆసుపత్రికి తరలించారు. చికిత్స పొందుతూ ఫ్రాంక్ టైసన్ మరణించాడు. ఈ ఘటనపై పోలీసు ఉన్నతాధికారులు విచారణకు ఆదేశించారు. ఘటన సమయంలో ఉన్న అధికారులను సెలవుపై పంపించారు. ఏప్రిల్ 18న ఈ ఘటన జరిగింది. దీనికి సంబంధించి వీడియో వెలుగులోకి రావడంతో వ్యవహారం బయటకు వచ్చింది.
ALSO READ: వణికిన తైవాన్, అయితే ఈసారి
ఇప్పటికే ఓ కేసులో 24 ఏళ్లు జైలు అనుభవించిన ఫ్రాంక్ టైసన్, ఏప్రిల్ ఆరున విడుదలయ్యాడు. పెరోల్ కు సంబంధించి ఉన్నతాధికారులకు సమాచారం ఇవ్వలేదన్నది పోలీసులు చెబుతున్నమాట. ఒక్కసారి వెనక్కి వెళ్తే.. నాలుగేళ్ల కిందట అంటే 2020లో మిన్నియాపోలిస్‌లో పోలీసుల దారుణానికి జార్జ్ ఫ్లాయిడ్ ఇదే తరహాలో మరణించాడు. ఈ ఘటన అప్పట్లో సంచలనం రేపింది. ఫాయిడ్ మరణానికి జాతి వివక్షే కారణమంటూ అప్పట్లో పెద్ద ఎత్తున విమర్శలు వచ్చిన విషయం తెల్సిందే.
In the #viralvideo, Mr Frank Tyson can be heard saying "I can't breathe." One of the cops proudly said "I've always wanted to be in a bar fight"
He is facedown on the floor dying without first aid.#US #Ohio #BlackLivesMatter #FrankTyson #BarFightCop #viralvideo pic.twitter.com/wwiw9vTppv
— The UnderLine (@TheUnderLineIN) April 27, 2024