వెల్లులి తొక్క తీయడం ఇబ్బందిగా ఉందా? ఈ ట్రిక్స్‌తో నిమిషాల్లో పని పూర్తి!

Garlic Peel Tricks| వంటగదిలో వెల్లుల్లి వాడటం చాలా సాధారణం. కానీ దాని తొక్క తీయడం మాత్రం చాలామందికి చిరాకు తెప్పించే పని. ఒక్కటో రెండో రెబ్బలైతే పెద్దగా ఇబ్బంది ఉండదు. అదే ఎక్కువ వెల్లుల్లి అవసరమైనప్పుడు ఒక్కో రెబ్బ తొక్క తీయడానికి చాలా సమయం పడుతుంది. తొక్కలు చేతులకు అంటుకోవడంతో పాటు, కొన్ని రెబ్బలు తొక్క తీసే సమయంలోనే పాడైపోతాయి. అయితే ఇకపై ఈ చిన్న పని కోసం ఎక్కువ సమయం కేటాయించాల్సిన అవసరం లేదు. ఇంట్లోనే అందుబాటులో ఉండే కొన్ని సింపుల్ ట్రిక్స్‌తో వెల్లుల్లి తొక్కలను చాలా ఈజీగా తొలగించవచ్చు. ఈ కిచెన్ హ్యాక్స్ మీ వంట పనిని మరింత సులభంగా మార్చుతాయి.

డబ్బాలో వెల్లుల్లిని వేసి బాగా షేక్ చేయండి

ముందుగా వెల్లుల్లి గడ్డ నుంచి అన్ని రెబ్బలను వేరు చేయండి. వాటిని మూత బిగుతుగా ఉండే శుభ్రమైన డబ్బాలో వేయండి. డబ్బా మూత పెట్టి కొన్ని సెకన్ల పాటు గట్టిగా షేక్ చేయండి. అలా చేయడం వల్ల ఎండిన వెల్లుల్లి తొక్కలు వదులుగా మారతాయి. తర్వాత డబ్బా తెరిచి తొక్కలను సులభంగా తొలగించవచ్చు. డబ్బా లేకపోతే రెండు గిన్నెలను కూడా ఉపయోగించవచ్చు. రెండు గిన్నెల మధ్య వెల్లుల్లి రెబ్బలను పెట్టి బాగా కదిలించండి. ఎండిన వెల్లుల్లికి ఈ పద్ధతి ప్రత్యేకంగా ఉపయోగపడుతుంది.

గోరువెచ్చని నీటితో తొక్కను సులభంగా వదిలించండి

వెల్లుల్లి తొక్క రెబ్బకు గట్టిగా అంటుకుని ఉంటే గోరువెచ్చని నీరు ఉపయోగపడుతుంది. ముందుగా వెల్లుల్లి రెబ్బలను విడిగా తీసుకోండి.
వాటిని గోరువెచ్చని నీటిలో కొద్దిసేపు నానబెట్టండి. మరీ వేడి లేదా మరిగే నీటిని ఉపయోగించకండి. తర్వాత ఒక్కో రెబ్బను చేతులతో మెల్లగా నొక్కండి. మెత్తబడిన తొక్క సులభంగా బయటకు వస్తుంది. వెల్లుల్లిని నీటిలో ఎక్కువసేపు ఉంచకండి. ఎక్కువసేపు నానబెడితే దాని రుచి, ఆకృతి మారవచ్చు.

వెడల్పాటి కత్తితో ప్రయత్నించండి

వెల్లుల్లి తొక్కను త్వరగా తొలగించడానికి వెడల్పాటి కత్తి ఉపయోగించవచ్చు. ముందుగా ఒక వెల్లుల్లి రెబ్బను కటింగ్ బోర్డుపై పెట్టండి.
దాని మీద వెడల్పాటి కత్తి సమతల భాగాన్ని ఉంచండి. మీ అరచేతితో కత్తిపై మెల్లగా ఒత్తిడి చేయండి. రెబ్బ కొద్దిగా చితికినప్పుడు దాని తొక్క వదులవుతుంది. తర్వాత తొక్కను తీసేసి వెల్లుల్లిని కోసుకోవచ్చు.
అయితే కత్తిపై ఎక్కువ ఒత్తిడి పెట్టకండి. అలా చేస్తే వెల్లుల్లి రెబ్బ పూర్తిగా నలిగిపోవచ్చు.

మైక్రోవేవ్‌తో వెల్లుల్లి తొక్కను త్వరగా తీయండి

ఎక్కువ వెల్లుల్లి రెబ్బలను తొక్కాల్సి వచ్చినప్పుడు మైక్రోవేవ్ పద్ధతి ఉపయోగపడుతుంది. విడదీసిన రెబ్బలను మైక్రోవేవ్‌కు అనుకూలమైన పాత్రలో పెట్టండి. తక్కువ పవర్‌లో కొద్దిసేపు మాత్రమే వేడి చేయండి. వేడి వల్ల తొక్కలు కొద్దిగా వదులుగా మారవచ్చు.
తర్వాత వెల్లుల్లిని బయటకు తీసి కొద్దిగా చల్లారనివ్వండి. ఆ తర్వాత తొక్కను సులభంగా తొలగించవచ్చు. అయితే వెల్లుల్లిని ఎక్కువసేపు వేడి చేయకండి. ఎక్కువ వేడి వల్ల వెల్లుల్లి ఉడికిపోయి దాని ఆకృతి మారిపోతుంది.

Also Read: గర్ల్‌ఫ్రెండ్‌పై రూ.కోట్లు ఖర్చు చేసిన వ్యాపారవేత్త.. బ్రేకప్ తరువాత తిరిగివ్వాలని కోర్టులో కేసు.. చివరికి

రాత్రంతా నీటిలో నానబెట్టి మరుసటి రోజు తొక్క తీయండి

వెల్లుల్లిని ముందుగానే సిద్ధం చేసుకోవాలనుకుంటే ఈ పద్ధతి ఉపయోగించవచ్చు. రాత్రి వెల్లుల్లి రెబ్బలను నీటిలో వేసి ఉంచండి. మరుసటి రోజు వాటిని బయటకు తీసి తొక్క తొలగించండి. తొక్కలు సులభంగా వదిలిపోవడంతో పని త్వరగా పూర్తవుతుంది.

Also Read: జిమ్‌లో వర్కౌట్ చేస్తున్నారా? కండరాలు నిజంగా పెరుగుతున్నట్లు సూచించే 5 సంకేతాలివే

ఏ పద్ధతి ఎప్పుడు ఉపయోగించాలి?

ఎండిన వెల్లుల్లికి డబ్బాలో షేక్ చేసే పద్ధతి బాగా ఉపయోగపడుతుంది. గట్టిగా అంటుకున్న తొక్కలకు గోరువెచ్చని నీటిని ప్రయత్నించవచ్చు. కట్ చేయాల్సిన వెల్లుల్లికి కత్తి పద్ధతి అనుకూలంగా ఉంటుంది. ఎక్కువ రెబ్బలు ఉన్నప్పుడు మైక్రోవేవ్ పద్ధతితో మయం ఆదా అవుతుంది.