OTT Movie : ఓటీటీలో క్రైమ్ థ్రిల్లర్ వెబ్ సిరీస్ లు ఇప్పుడు బాగా ట్రెండ్ అవుతున్నాయి. రేటింగ్ లో కూడా ఇలాంటి సిరీస్ లే ముందుంటున్నాయి. కాస్త బాగుందనిపించినా ఇక ఆ సిరీస్ ని వదలకుండా చివరి వరకు చూస్తున్నారు. ఇప్పుడు మనం చెప్పుకోబోయే సిరీస్ 1990లలో బెంగాల్లోని ఒక చిన్న పట్టణంలో జరిగే సంఘటనల చుట్టూ తిరుగుతుంది. ఈ సిరీస్ కామెడీతో పాటు ఉత్కంఠను పెంచే స్టోరీతో ప్రేక్షకులను అలరిస్తోంది. ఇందులో కే కే మీనన్ అద్భుతమైన నటన, రణవీర్ షోరే సహాయక పాత్రతో ఈ సిరీస్ ఒక మరచిపోలేని థ్రిల్ ని ఇస్తుంది. ఈ సిరీస్ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళ్తే …
ఏ ఓటీటీలో ఉందంటే
‘శేఖర్ హోమ్’ (Sekhar home)షెర్లాక్ హోమ్స్ కథల నుండి ప్రేరణ పొందిన ఒక హిందీ క్రైమ్ థ్రిల్లర్ వెబ్ సిరీస్. రోహన్ సిప్పీ, సృజిత్ ముఖర్జీ దీనికి దర్శకత్వం వహించారు. ఇందులో కే కే మీనన్, రణవీర్ షోరే, రసికా దుగల్, కీర్తి కుల్హారి, రుద్రనీల్ ఘోష్, షెర్నాజ్ పటేల్ ప్రధాన పాత్రల్లో నటించారు. ఇది 2024 ఆగస్టు 14 నుంచి జియో హాట్ స్టార్ లో స్ట్రీమింగ్ అవుతోంది. 6 ఎపిసోడ్లతో IMDbలో 7.9/10 రేటింగ్ సాధించింది.
కథలోకి వెళ్తే
1990లలో బెంగాల్లోని లోన్పూర్ అనే చిన్న పట్టణంలో శేఖర్ హోమ్ ఒక తెలివైన డిటెక్టివ్. తన మేధో శక్తితో కేసులను పరిష్కరిస్తుంటాడు. అతను జయవ్రత్ సైనీ అనే ఒక మాజీ ఆర్మీ డాక్టర్తో కలిసి ఒక ఇంట్లో రూమ్మేట్గా ఉంటాడు. ఈ ఇద్దరూ కలిసి బ్లాక్మెయిల్, హత్య, అతీంద్రియ సంఘటనలతో కూడిన వివిధ కేసులను పరిష్కరిస్తుంటారు. శేఖర్ లాండ్లేడీ మిసెస్ హెచ్, స్థానిక ఇన్స్పెక్టర్ గోవింద లహా కథలో ముఖ్యమైన పాత్రలు పోషిస్తారు. ఇరావతి అనే మహిళ శేఖర్పై ప్రేమతో ఉంటుంది. ముంతాజ్ అనే ఒక కీలక పాత్ర ఎంట్రీతో కథ మరో లెవెల్ కి వెళ్తుంది. మొదటి నాలుగు ఎపిసోడ్లు విభిన్న కేసులను పరిష్కరిస్తాయి. ఆతరువాత “M” అనే సీక్రెట్ విలన్ వెలుగులోకి వస్తాడు. ఐదవ ఎపిసోడ్ నుండి, శేఖర్ గతం కూడా బయటపడుతుంది. ఇక్కడి నుంచి స్టోరీ పూర్తిగా మారిపోతుంది.
శేఖర్ నిజమైన పేరు స్నేహాశిష్ హల్దార్. అతను గతంలో కలకత్తా మెడికల్ కాలేజీలో ఉపాధ్యాయుడిగా పని చేసి ఉంటాడు. ఇప్పుడు అతను ఒక ప్రభుత్వ మిషన్లో ముగ్గురు శాస్త్రవేత్తల మరణాలను దర్యాప్తు చేస్తాడు. ఇది ఒక ప్రమాదకరమైన రసాయన ఆయుధంతో సంబంధం కలిగి ఉంటుంది. ఈ ఆయుధం ఒక క్రిప్టెక్స్ పజిల్ బాక్స్లో దాచబడి ఉందని శేఖర్ తెలుసుకుంటాడు. దానిని కనిపెట్టడానికి శేఖర్, జయవ్రత్ కలకత్తా అంతటా వెతుకుతారు. “M” నిజమైన గుర్తు, శేఖర్తో అతని సంబంధం క్లైమాక్స్లో ఒక షాకింగ్ ట్విస్ట్తో వెల్లడవుతుంది. ఈ ట్విస్ట్ ఒక పెద్ద కుట్రను బయటపెడుతుంది. క్లైమాక్స్లో వచ్చే ట్విస్ట్ ఏమిటి ? శేఖర్ ఈ మిషన్ ని ఎలా ముగిస్తాడు ? “M” అనే విలన్ ఎవరు ? అనే ప్రశ్నలకు సమాధానాలు కావాలంటే, ఈ క్రైమ్ థ్రిల్లర్ సిరీస్ ని మిస్ కాకుండా చుడండి.
Share
Indian Railways: ఇండియన్ రైల్వే రౌండ్ ట్రిప్ స్కీమ్, డిస్కౌంట్ కోసం ఇలా ట్రై చేయండి!
Balakrishna: రైట్ .. రైట్..ఆర్టీసీ డ్రైవర్ గా మారిన బాలయ్య..వీడియో వైరల్!
