OTT Movie : హర్రర్ సినిమాలంటే ఇష్టమా? అయితే ఈ సినిమా మీ కోసమే. కాకపోతే ఇందులో మన ఊహకు మించిన వయొలెన్స్, చిన్నపిల్లలు చూడకూడని సీన్స్ ఉంటాయి. పెద్ద వాళ్ళే అయినా గుండె గట్టిగా ఉన్నవాళ్లే ఈ సినిమాను చూసే ధైర్యం చేయాలి అన్నట్టుగా ఉంటాయి సీన్స్. ఇంతకీ ఈ మూవీ పేరేంటి? ఏ ఓటీటీలో ఉంది ? అనే వివరాల్లోకి వెళ్తే…
అమెజాన్ ప్రైమ్ వీడియోలో స్ట్రీమింగ్
హారర్ మూవీస్ లోనే అత్యంత భయంకరమైన ఈ సినిమా పేరు “టెర్రిఫయర్” (Terrifier). 2016లో రిలీజ్ అయిన ఈ అమెరికన్ హారర్ చిత్రానికి డామియన్ లియోన్ దర్శకత్వం వహించగా, జెన్నా కానెల్, సమంతా స్కాఫిడి, కేథరీన్ కోర్కోరన్, డేవిడ్ హోవర్డ్ థోర్న్టన్ (ఆర్ట్ ది క్లౌన్గా) ప్రధాన పాత్రల్లో నటించారు. ఈ చిత్రం అక్టోబర్ 2016లో టెల్లురైడ్ హారర్ షో ఫిల్మ్ ఫెస్టివల్లో ప్రీమియర్ అయింది. 2018 మార్చ్ లో లిమిటెడ్ థియేట్రికల్ రిలీజ్అయ్యింది. ఇందులో అతి హింసాత్మక సన్నివేశాలు, ఆర్ట్ ది క్లౌన్ అనే నిశ్శబ్ద, సైకోటిక్ కిల్లర్ సృష్టించే బ్లడీ బ్లడ్ బాత్ సీన్స్ కు అడ్డూ అదుపూ ఉండదు. ఈ చిత్రం 35,000 డాలర్ల బడ్జెట్తో తెరకెక్కగా, ప్రపంచవ్యాప్తంగా 421,000 డాలర్ల వసూళ్లు సాధించింది. ఇంత వయొలెన్స్ ఉన్నప్పటికీ ఈ మూవీకి కల్ట్ ఫాలోయింగ్ ఉండడం విశేషం.
కథలోకి వెళ్తే…
ఈ చిత్రం ఒక టీవీ టాక్ షోతో ప్రారంభమవుతుంది. ఇందులో మోనికా బ్రౌన్ (కేటీ మగ్వైర్) గత హాలోవీన్ రాత్రి జరిగిన ఒక ఊచకోత నుండి బయటపడిన, తీవ్రంగా వికృతమైన ముఖం ఉన్న మహిళ (సమంతా స్కాఫిడి)ని ఇంటర్వ్యూ చేస్తుంది. ఈ ఇంటర్వ్యూ తర్వాత, మోనికా తన బాయ్ఫ్రెండ్తో ఆ మహిళ గురించి అవమానకరమైన వ్యాఖ్యలు చేస్తుంది. దీనితో ఆ మహిళ ఆమెను దాడి చేసి కళ్లు తీసివేస్తుంది. ఇక్కడే కథ ఒక సంవత్సరం వెనక్కి, 2017 హాలోవీన్ రాత్రికి వెళ్తుంది.
అక్కడ తాగిన స్థితిలో ఉన్న ఇద్దరు స్నేహితులు తారా హేయ్స్ (జెన్నా కానెల్), డాన్ ఎమర్సన్ (కేథరీన్ కోర్కోరన్) ఒక పార్టీ నుండి బయటకు వచ్చి పిజ్జేరియాకు వెళతారు. అక్కడ వారు ఆర్ట్ ది క్లౌన్ (డేవిడ్ హోవర్డ్ థోర్న్టన్)ని కలుస్తారు. అతను నిశ్శబ్దంగా, కానీ భయంకరమైన మైమ్ క్లౌన్గా కనిపిస్తాడు. ఒక నల్లని గార్బేజ్ బ్యాగ్తో తిరుగుతూ ఉంటాడు. డాన్ ఆర్ట్తో సరదాగా సెల్ఫీలు తీసుకుంటుంది. కానీ అతను ఆమెపై కోపంగా ఉంటాడు. పిజ్జేరియా యజమాని ఆర్ట్ను బాత్రూమ్లో విధ్వంసం చేసినందుకు బయటకు గెంటేస్తాడు.
తారా, డాన్ తమ కారు వద్దకు తిరిగి వచ్చినప్పుడు, దాని టైర్ గాలిని ఎవరో తీసేసినట్టు గుర్తిస్తారు. తారా తన సోదరి విక్టోరియా (సమంతా స్కాఫిడి)కి కాల్ చేసి సహాయం అడుగుతుంది. వారు వేచి ఉండగానే, మరోవైపు ఆర్ట్ ఒక అపార్ట్మెంట్ భవనంలోని రెండు ఎక్స్టెర్మినేటర్లను దారుణంగా హత్య చేస్తాడు. తారా, డాన్ను ఆర్ట్ ఆ భవనంలోనే బంధిస్తాడు. ఒక దారుణమైన సన్నివేశంలో ఆర్ట్ డాన్ను తలక్రిందులుగా వేలాడదీసి, హాక్సాతో ఆమెను క్రింద నుండి రెండుగా కోస్తాడు. ఈ సన్నివేశం చాలా వివాదాస్పదమైంది. తారా ఆర్ట్తో పోరాడటానికి ప్రయత్నిస్తుంది. అతన్ని దాదాపు ఓడిస్తుంది. కానీ అతను ఆమెను తుపాకీతో కాల్చి చంపేస్తాడు. విక్టోరియా భవనానికి చేరుకున్నప్పుడు, ఆర్ట్ ఆమెను బంధిస్తాడు. చివర్లో ఊహించని ట్విస్ట్ తో మూవీ ఎండ్ అవుతుంది. ఇంతకీ విక్టోరియా అతని నుంచి ఎలా తప్పించుకుంది? ఆర్ట్ ను చివరకు పోలీసులు ఏం చేశారు? అతనికసలు చావు ఉందా? అనేవి తెరపై మూవీని చూసి తెలుసుకోవాల్సిందే.
Read Also : కళ్ల ముందే వరుస హత్యలు… కిల్లర్ ఆటలతో డిటెక్టివ్ కు నరకయాతన… క్లైమాక్స్ లో మైండ్ బెండయ్యే ట్విస్ట్
Share
Nidhi Agarwal: షాకింగ్ కండిషన్స్ కు ఓకే చెప్పిన నిధి అగర్వాల్, పవన్ కళ్యాణ్ తో సినిమా కోసం అంతకు తెగించిందా.?
MS Dhoni : ధోని ఏది చేసిన ఇండియా కోసమే... ఆర్మీ కూడా తలవంచాల్సిందే !
