Ms Dhoni: టీమిండియా కెప్టెన్ గా ఎన్నో సేవలు అందించిన మహేంద్ర సింగ్ ధోని (Ms Dhoni), మూడు ఐసీసీ ట్రోఫీలు కూడా అందించాడు. 2007 సమయంలో టీమిండియా కెప్టెన్ గా బాధ్యతలు తీసుకున్న మహేంద్రసింగ్ ధోని, జట్టు పరిస్థితిని పూర్తిగా మార్చేశాడు. అంతకుముందు ఆస్ట్రేలియా గడ్డపై కూడా గెలవలేని పరిస్థితిలో ఉన్న టీమిండియాను, చాలా బలంగా తయారు చేశాడు. 30కి పైగా వయస్సు ఉన్న వాళ్ళందరినీ బయటకు తరిమేసి.. యంగ్ ఇండియా ను తయారు చేశాడు. దాని ఫలితంగానే 2007, 2011 సమయాలలో వరల్డ్ కప్ లు గెలుచుకుంది టీమిండియా. మహేంద్ర సింగ్ ధోని నాయకత్వంలోనే ఛాంపియన్స్ ట్రోఫీ కూడా కొట్టింది.
టీమిండియా కు ఎన్నో విజయాలను అందించిన మహేంద్ర సింగ్ ధోనీని చాలామంది అవమానించినప్పటికీ అతడు ఎక్కడ తగ్గలేదు. తన పని తాను చేసుకుంటూ, మిస్టర్ కూల్ కెప్టెన్ గా తన బ్రాండ్ పెంచుకున్నాడు. అలాంటి మహేంద్ర సింగ్ ధోని తాజాగా యువరాజ్ పై వివాదాస్పద వ్యాఖ్యలు చేశారు. టీమిండియాలోకి వచ్చినప్పుడు, తనను అరేయ్ బిహారీ అంటూ యువరాజు సింగ్ అవమానించినట్లు షాకింగ్ నిజాలను బయటపెట్టారు ధోని. నువ్వు అండర్ 19 ఆడి వచ్చావు… ఇక్కడ ఇష్టం వచ్చినట్లు సిక్సర్లు కొడితే నడవదంటూ తనను ఉద్దేశించి యువరాజ్ డ్రెస్సింగ్ రూమ్ లో దారుణంగా కామెంట్లు చేసినట్లు వివరించారు. అయితే ఈ వ్యాఖ్యలు సరదాగా యువరాజు (Yuvraj) అన్నప్పటికీ.. తన మనసులో అవి గాయంగా మారినట్లు ధోని షాకింగ్ నిజాలను పంచుకున్నట్లు ఓ పోస్టు వైరల్ గా మారింది.
2007 కంటే ముందు టీమిండియా జట్టులోకి ధోని వచ్చాడు. అప్పటికే యువరాజ్ టీమిండియాలో కీలక ప్లేయర్ గా మారిన సంగతి తెలిసిందే. అయితే యువరాజ్ సింగ్ ను ధోనికి కెప్టెన్సీ ఇచ్చారు. అయితే ధోని మొదటిసారి టీమిండియా డ్రెస్సింగ్ రూమ్ లోకి వెళ్ళినప్పుడు.. యువరాజ్ హేళన చేశాడట. జార్ఖండ్ కూడా బీహార్ నుంచి విడిపోయిన నేపథ్యంలో.. ఓయ్ బిహారి అంటూ సంబోధించాడట యువరాజ్. ఇది అండర్ 19 క్రికెట్ కాదు.. కాస్త బుద్ధిగా ఆడాలంటూ హితువు పలికారట. సిక్సర్లు కొట్టడం వల్ల మ్యాచ్ లు గెలవలేవు అని పేర్కొన్నాడట. ఆ మాటలు విన్న ధోని అప్పటినుంచి భయపడినట్లు వివరించాడు. ఇక కొన్ని సంవత్సరాల తర్వాత ఎప్పుడు నువ్వు కోపంగా ఎందుకుంటావు ? అని యువరాజు ధోని ప్రశ్నించాడట. తాను ఎప్పుడు సీరియస్ గా ఉండాలని… కావాలని అందరినీ భయపెట్టిస్తానని ధోనితో యూవీ క్లారిటీ ఇచ్చారట. దీంతో ఈ న్యూస్ వైరల్ గా మారింది. ఇక ఈ సంఘటన తర్వాత, ధోని, యువరాజ్ కలిసి మెలసి జట్టును చాలా మ్యాచ్ ల్లో గెలిపించారు. కాగా ధోని వల్లే యువరాజ్ కెరీర్ నాశనం అయిందంటూ చాలా సార్లు యోగరాజ్ ఆరోపణలు చేసిన సంగతి తెలిసిందే.
Share
Plane Crash: సౌతాఫ్రికాలో ఘోర ప్రమాదం.. హన్మకొండ జిల్లాకు చెందిన పైలట్ దుర్మరణం!
అగ్గిపెట్టె, గుంటనక్క... టార్గెట్ హరీశ్! తెలంగాణ పేగుబంధం తెంచుకున్న బీఆరెస్!
