Mumbai Indians: ఇండియన్ ప్రీమియర్ లీగ్ 2026 టోర్నమెంట్ లో ( Indian Premier League 2026 Tournament) ముంబై ఇండియన్స్ (Mumbai Indians) అత్యంత చెత్త ప్రదర్శన కనబరిచిన సంగతి తెలిసిందే. ఈ టోర్నమెంట్ లో ముంబై ఇండియన్స్ తొమ్మిదవ స్థానంలో నిలిచి… ఎలిమినేట్ అయింది. 14 మ్యాచ్ లు ఆడితే కేవలం నాలుగింటిలో మాత్రమే విజయం సాధించింది. దీంతో ముంబై ఇండియన్స్ యాజమాన్యం ప్రక్షాళన మొదలుపెట్టే అవకాశాలు కనిపిస్తున్నాయి. హార్దిక్ పాండ్యా ( Hardik Pandya) స్థానంలో కొత్త కెప్టెన్ వస్తాడని కూడా చర్చ జరుగుతోంది. అయితే ఇలాంటి నేపథ్యంలో ముంబై ఇండియన్స్ పరువు తీసేలా ఓ బుడ్డోడు మాట్లాడాడు. అది కూడా ముంబై ఇండియన్స్ ఓనర్ నీతా అంబానీ ముందే సెటైర్లు పేల్చాడు. ఇక ఆ బుడ్డోడు చేసిన వ్యాఖ్యలు విన్న నీతా అంబానీ ( Nita Ambani) తలదించుకొని పగలబడి నవ్వింది. ఈ సంఘటన ఇప్పుడు హాట్ టాపిక్ అయింది.
ముంబైలో ఉన్న ధీరుబాయ్ అంబానీ ఇంటర్నేషనల్ స్కూల్ గ్రాడ్యుయేషన్ వేడుకలో ఆసక్తికర సంఘటన చోటు చేసుకుంది. ఈ వేడుక సందర్భంగా ఓ స్టూడెంట్ స్టేజిపై మాట్లాడుతూ.. ముంబై ఇండియన్స్ పరువు తీశాడు. స్టూడెంట్ కష్టాలను… ముంబై ఇండియన్స్ ఎదుర్కొంటున్న సమస్యలతో పోల్చుతూ సెటైర్లు వేశాడు. మనకు ఎంతో ఇష్టమైన ముంబై ఇండియన్స్ తరహాలోనే మన జీవితంలో కూడా కొన్ని కష్టమైన రోజులు… వస్తాయని ఆసక్తికర వ్యాఖ్యలు చేశాడు ఆ బుడ్డోడు. ముంబై ఇండియన్స్ లాగా మనం కూడా సమస్యలను ఎదుర్కొంటూ ముందుకు సాగాలని వెల్లడించాడు.
ఐపీఎల్ 2026 సందర్భంగా ముంబై ఇండియన్స్ విజయం కోసం పడ్డ కష్టాలను వివరిస్తూ, ఈ కామెంట్స్ చేశాడు. ఇక ఈ కామెంట్ చేసిన వెంటనే… అక్కడే ఉన్న ముంబై ఇండియన్స్ ఓనర్ నీతా అంబానీ తల దించుకొని మరి.. పగలబడి నవ్వుకున్నారు. ఈ సంఘటన ఇప్పుడు సోషల్ మీడియాలో వైరల్ గా మారింది. ఇది చూసిన ముంబై ఇండియన్స్ రకరకాల కామెంట్స్ చేస్తున్నారు. బుడ్డోడైన… సరైన మాట చెప్పాడని తెగ పొగుడుతున్నారు. ఆ బుడ్డోడి మాట వినైనా… ముంబై ఇండియన్స్ ఓనర్లు బుద్ధి తెచ్చుకోవాలని మరికొంతమంది కౌంటర్లు ఇస్తున్నారు. వెంటనే ముంబై ఇండియన్స్ జట్టులో ప్రక్షాళన చేయాలని డిమాండ్ చేస్తున్నారు.
ముంబై ఇండియన్స్ వచ్చే సీజన్లో అయిన బాగా రాణించాలంటే మొదటగా కెప్టెన్సీ ని మార్చాలని ఫ్యాన్స్ కోరుతున్నారు. వెంటనే రోహిత్ శర్మ లేదా సూర్య కుమార్ యాదవ్, కాకపోతే బుమ్రాకు ఇవ్వాలని కోరుతున్నారు. అలాగే రోహిత్ శర్మను ఇంపాక్ట్ ప్లేయర్ గా కాకుండా ఫుల్ టైం ఆటగాడిగా కొనసాగించాలని డిమాండ్ చేస్తున్నారు అభిమానులు. తిలక్ వర్మ కు ఎక్కువగా ప్రాధాన్యత ఇవ్వాలని స్పష్టం చేస్తున్నారు. బ్యాటింగ్ ఆర్డర్ మార్చకుండా ఫిక్స్డ్ గా లైనప్ కొనసాగించాలని పేర్కొంటున్నారు. బుమ్రా ఆధ్వర్యంలోని బౌలింగ్ విభాగం మరింత మెరుగుపడితే అద్భుత ఫలితాలు ఖాయమని చెబుతున్నారు.
Student make fun of Mumbai Indians in front of Nita Ambani
– Look at reaction of Nita Ambani. 🤣🤣 pic.twitter.com/xk3Ih0IhNP
— Jeet (@JeetN25) May 24, 2026
Share
Inzamam-ul-Haq: విరాట్ కోహ్లీ ఒళ్లంతా పొగరే...అందుకే PSLలోకి రానివ్వను
Jeevan reddy: ఇదేనా మీ ఆర్ఆర్ ట్యాక్స్?.. సర్కార్ పై జీవన్ రెడ్డి కీలక వ్యాఖ్యలు!
