IRCTC Ticket Booking: రైలు ప్రయాణం చేస్తున్నారా? ఈ రూల్ గురించి కచ్చితంగా తెలుసుకోవాల్సిందే!

Indian Railways Ticket Booking: పండుగ సీజన్ మొదలైన నేపథ్యంలో ప్రయాణీకులు టికెట్లు బుక్ చేసుకునే సమయంలో బోర్డింగ్, డీబోర్డింగ్ పాయింట్లను జాగ్రత్తగా ఎంటర్ చేయాలి. ఎందుకంటే టికెట్ బుకింగ్ ప్రయాణంలో ఫస్ట్ స్టెప్ గా చెప్పుకోవచ్చు. అయితే, చాలా మంది ప్రయాణీకులు పొరపాటున వేరే స్టేషన్ నుంచి టికెట్ బుక్ చేసుకుంటూ ఉంటారు. ఆ తర్వాత కంగారు పడుతుంటారు. కానీ, అలాంటి సమయంలో వారి బోర్డింగ్ పాయింట్‌ ను మార్చుకుంటే సరిపోతుంది. ఎలా మార్చుకోవాలో ఇప్పుడు తెలుసుకుందాం..

భారతీయ రైల్వే బోర్డింగ్ స్టేషన్ ఛేంజ్ రూల్స్

వాస్తవానికి ప్రయాణీకులు ఏవైనా మార్పులు చేసే ముందు బోర్డింగ్ స్టేషన్ మార్పులకు సంబంధించిన నియమాలను తెలుసుకోవాలి.

⦿ రైలు బయలుదేరిన 24 గంటలలోపు బోర్డింగ్ స్టేషన్ మారితే, సాధారణ పరిస్థితుల్లో వాపసు అనుమతించబడదు. అయితే, రైలు రద్దు, కోచ్ అటాచ్ చేయకపోవడం, మూడు గంటల కంటే ఎక్కువ సమయం రైలు ఆలస్యంగా నడపడం లాంటి అసాధారణ పరిస్థితులలో సాధారణ రీఫండ్ రూల్స్ వర్తిస్తాయి.

⦿ ఒక ప్రయాణీకుడు బోర్డింగ్ స్టేషన్ మార్చినట్లయితే, అసలు బోర్డింగ్ స్టేషన్ నుండి రైలు ఎక్కే అన్ని రైట్స్ ను కోల్పోతారు. బోర్డింగ్ స్టేషన్ మార్చుకుని, పాత స్టేషన్ నుంచే ప్రయాణిస్తున్నట్లు తేలితే, ప్రయాణీకుడు అసలు బోర్డింగ్ స్టేషన్ నుంచి మారిన బోర్డింగ్ స్టేషన్ మధ్య జరిమానాతో పాటు ఛార్జీని చెల్లించాలి.

⦿ టికెట్ స్వాధీనం చేసుకుంటే బోర్డింగ్ స్టేషన్ మార్పు అనుమతించబడదు.

⦿ VIKALP ఎంపిక ఉన్న PNRలకు బోర్డింగ్ స్టేషన్ మార్పు అనుమతించబడదు.

⦿ I-టికెట్కు ఆన్‌లైన్ బోర్డింగ్ స్టేషన్ మార్పు అనుమతించబడదు.

⦿ ప్రస్తుత బుకింగ్ టికెట్ కోసం బోర్డింగ్ స్టేషన్ మార్పు అనుమతించబడదు.

⦿ బుకింగ్ సమయంలో బోర్డింగ్ స్టేషన్ మారినట్లయితే, ప్రయాణీకులు ‘బుక్డ్ టికెట్ హిస్టరీ’ విభాగం నుంచి బోర్డింగ్ స్టేషన్‌ ను మరోసారి మార్చుకోవచ్చు.

IRCTCలో బోర్డింగ్ స్టేషన్ మార్పు

టికెట్ బుకింగ్ తర్వాత బోర్డింగ్ పాయింట్‌ను ఎలా మార్చుకోవచ్చు అనేది ఇప్పుడు తెలుసుకుందాం..

⦿ యూజర్ పేరు, పాస్‌వర్డ్‌ ను ఎంటర్ చేసి IRCTCలోకి లాగిన్ అవ్వండి.

⦿ మై అకౌంట్ > నా లావాదేవీలు >> బుక్డ్ టికెట్ హిస్టరీకి వెళ్లండి.

⦿ మీరు బోర్డింగ్ స్టేషన్‌ను మార్చాలనుకుంటున్న టికెట్‌ ను ఎంచుకుని, బోర్డింగ్ పాయింట్‌ను మార్చు బటన్‌ను ఎంచుకోండి.

⦿ఎంచుకున్న రైలు మార్గం మధ్య స్టేషన్ల జాబితాతో పాప్ అప్ విండో కనిపిస్తుంది. మీకు కావలసిన బోర్డింగ్ పాయింట్‌ను ఎంచుకోండి.

⦿ స్టేషన్ ను ఎంచుకున్న తర్వాత నిర్ధారణ కోసం అడుగుతుంది. ఓకే ను క్లిక్ చేయండి.