Daytime Sleepiness: పగటిపూట నిద్రపోతున్నారా ? అయితే ఈ సమస్యలు రావొచ్చు జాగ్రత్త !

Daytime Sleepiness: చాలా మంది పగటి నిద్ర పోతుంటారు.మనం పగటిపూట నిద్రపోవడానికి చాలా కారణాలు ఉన్నాయి. ఏదీ ఏమైనప్పటికీ ఇలా పగటి పూట నిద్ర పోవడం వల్ల అనేక రకాల ఆరోగ్య సమస్యలు వచ్చే ప్రమాదం ఉంటుంది. అంతే కాకుండా దీర్షకాలిక వ్యాధులకు కూడా కారణం అవుతుందని మీకు తెలుసా? అవును, ఈ విషయం తాజా ఓ అధ్యయనంలో వెల్లడైంది. దీని గురించి మరిన్ని విషయాలను ఇప్పుడు తెలుసుకుందాం.

డిమెన్షియా అంటే ఒక వ్యక్తి యొక్క ఆలోచనా సామర్థ్యం, గుర్తుంచుకోవడం, నిర్ణయాలు తీసుకునే సామర్థ్యం క్రమంగా తగ్గుతుంది. మెదడు కణాలు దెబ్బతినడం వల్ల ఇది జరుగుతుంది. అల్జీమర్స్ వ్యాధి డిమెన్షియా వల్ల వస్తుంది.

డిమెన్షియా లక్షణాలు:
న్యూరాలజీ జర్నల్‌లో ప్రచురించబడిన దాని ప్రకారం ఇటీవలి పరిశోధనలో అధిక పగటిపూట నిద్రపోవడం డిమెన్షియా ప్రారంభ లక్షణం అని వెల్లడైంది. పగటిపూట నిద్రపోవడం, పనిపై ఆసక్తి లేకపోవడం, ఏ పని పట్ల ఆసక్తి లేకపోవడం, ఇలాంటి లక్షణాలన్నీ డిమెన్షియా యొక్క ప్రారంభ సంకేతాలు. దీనిని మోటార్ కాగ్నిటివ్ రిస్క్ (MCR) అంటారు. దీనిని ముందస్తుగా గుర్తించడం వల్ల డిమెన్షియాను నివారించవచ్చు.

ఇతర లక్షణాలతో సంబంధం – పగటిపూట నిద్రపోవడంతో పాటు, మీరు బలహీనమైన జ్ఞాపకశక్తి, మాట్లాడటంలో ఇబ్బంది, నిర్ణయాలు తీసుకోవడంలో ఇబ్బంది, వ్యక్తిత్వంలో మార్పులు వంటి ఇతర లక్షణాలను కూడా గమనించినట్లయితే, అది డిమెన్షియాకు సంకేతం కావచ్చు.

క్రమంగా పెరుగుతున్న సమస్య- పగటిపూట నిద్రలేమి సమస్య క్రమంగా పెరుగుతూ, ఇతర రోజువారీ కార్యకలాపాలు ప్రభావితం అవుతున్నట్లయితే, అది ఆందోళన కలిగించే విషయం అనే చెప్పాలి.

ఇతర కారణాలను కనుగొనడం – పగటిపూట నిద్రలేమి సమస్యకు ఇతర కారణాలు కూడా ఉంటాయి. అవి నిద్ర లేకపోవడం , నిరాశ, అలసట, మందుల వాడకం మొదలైనవి. ఈ కారణాలపై కూడా శ్రద్ధ వహించడానికి ప్రయత్నించండి. ఈ లక్షణాలు మీలో ఉంటే ఆలస్యం చేయకుండా డాక్టర్‌ను సంప్రదించండి.

Also Read: బ్లాక్ హెడ్స్ మీ అందాన్ని తగ్గిస్తున్నాయా ? ఓ సారి వీటిని ట్రై చేయండి

మీరు ఈ లక్షణాలను కలిగి ఉంటే ఏం చేయాలి ?
డాక్టర్‌ని సంప్రదించండి- మీకు పగటిపూట నిద్ర ఎక్కువగా అనిపిస్తే, డిమెన్షియా యొక్క ఇతర లక్షణాలు కూడా మీలో కనిపిస్తే, వెంటనే వైద్యుడిని సంప్రదించండి.

పూర్తి చెకప్ చేయించుకోండి- డాక్టర్ మీ లక్షణాల ఆధారంగా కొన్ని పరీక్షలు చేస్తారు.

ఆరోగ్యకరమైన జీవనశైలిని అలవర్చుకోండి- క్రమం తప్పకుండా వ్యాయామం చేయడం, సమతుల్య ఆహారం, తగినంత నిద్ర తీసుకోవడం ద్వారా మీ మనస్సును ఆరోగ్యంగా ఉంచుకోవచ్చు.

ఒత్తిడి నిర్వహణ – ఒత్తిడి డిమెన్షియా ప్రమాదాన్ని పెంచుతుంది. కాబట్టి ఒత్తిడి నిర్వహణ పద్ధతులను తప్పకుండా పాటించండి . ఒత్తిడి అనేక ఆరోగ్య సమస్యలకు కారణం అవుతుంది.

గమనిక: ఈ వివరాలు కేవలం మీ అవగాహన కోసమే. పలు పరిశోధనలు.. అధ్యయనాల్లో పేర్కొన్న అంశాలను ఇక్కడ యథావిధిగా అందించాం. డాక్టర్‌ను సంప్రదించిన తర్వాతే వీటిని పాటించాలి. ఇందులో పేర్కొన్న అంశాలకు ‘బిగ్ టీవీ’ ఎటువంటి బాధ్యత వహించదని గమనించగలరు.