OTT Movie : త్రివిక్రమ్ మెచ్చిన థ్రిల్లర్ మూవీ ఏ ఓటీటీలో ఉందో తెలుసా ?

OTT Movie : మాటల మాంత్రికుడు త్రివిక్రమ్ శ్రీనివాస్ గురించి ప్రత్యేకంగా చెప్పక్కర్లేదు. స్టార్ హీరోలతో సినిమాలు చేసి ఇప్పటికీ అగ్ర దర్శకుడిగా కొనసాగుతున్నాడు. రీసెంట్ గా అల్లు అర్జున్ తో పాన్ ఇండియా లెవల్లో ఒక మూవీకి ప్లాన్ చేస్తున్నాడు. అయితే ఇది ఇలా ఉంటే, ఈ దర్శకున్ని ఒక తమిళ్ మూవీ అబ్బురపరచింది. ఒక తమిళ సినిమా తనకు బాగా నచ్చిందని, అందులో క్లైమాక్స్ అదిరిపోయిందని ఓ ఫంక్షన్ లో చెప్పకనే చెప్పాడు. ఈ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే ..

స్టోరీలోకి వెళితే

అరువి అనే 24 ఏళ్ల అమ్మాయిసమాజంలో సరిగ్గా ఇమడలేక, అనేక సవాళ్లను ఎదుర్కొంటుంది. ఆమె జీవితంలో జరిగిన కొన్ని దారుణమైన సంఘటనలు తనని తీవ్రంగా ప్రభావితం చేస్తాయి. ముఖ్యంగా ముగ్గురు వ్యక్తులు ఆమెపై ఒక రోజు లైం*గిక దాడి చేస్తారు. దీనివల్ల ఆమె సమాజంపై కోపంతో ఉంటుంది. అరువి తన కోపాన్ని వ్యక్తపరచడానికి ‘సొల్వధెల్లం సత్యం’ అనే రియాలిటీ షోలో పాల్గొంటుంది. ఈ షోలో ఆమె తనపై జరిగిన అన్యాయాన్ని బహిర్గతం చేస్తూ, ఆ దాడి చేసిన వ్యక్తులను ఎదుర్కొంటుంది. కానీ, కథ ఊహించని మలుపు తిరుగుతుంది. ఆ షో సెట్‌ను స్వాధీనం చేసుకుని, కొంతమంది తుపాకీతో బెదిరిస్తారు. అక్కడ కూడా ఆమెకు నిరాశ ఎదురౌతుంది. ఇక ఆ తరువాత ఆమె అనారోగ్యంతో బాధపడుతుంది.

హాస్పిటల్ లో ఆమెకు ఎయిడ్స్ సోకినట్లు తెలుస్తుంది. దీనివల్ల ఆమె శారీరకంగా, మానసికంగా మరింత కుంగిపోతుంది. ఇక ఆమె ఒంటరిగా ఒక గ్రామంలోకి వెళ్లిపోతుంది. అక్కడ ఆమె తన జీవితంలో జరిగిన అనుభవాలను, ఆలోచనలను ఒక వీడియోలో రికార్డ్ చేస్తుంది. తరువాత ఈ వీడియో ఆమె స్నేహితులకు చేరుతుంది. అది చూసిన స్నేహితులు ఆమెను కలవడానికి వస్తారు. చివరికి అరువికి న్యాయం జరుగుతుందా ? ఆమె జీవితం ఎలా వెళ్తుంది ? ఈ స్టోరీ ఎలా ఎండ్ అవుతుంది ? అనే విషయాలను తెలుసుకోవాలి అనుకుంటే, ఈ సినిమాని మిస్ కాకుండా చూడండి.

Read Also : నిర్మానుష్యమైన బీచ్ లో మనుషుల్ని టార్చర్ చేసే మాన్స్టర్… ఒళ్లు గగుర్పొడిచే సీన్స్ మావా

అమెజాన్ ప్రైమ్ వీడియో (Amazon prime video) లో

ఈ తమిళ థ్రిల్లర్ మూవీ పేరు ‘అరువి’ (Aruvi).  2016 లో వచ్చిన ఈ మూవీకి అరుణ్ ప్రభు పురుషోత్తమన్ దర్శకత్వం వహించారు. ఈ మూవీ స్టోరీ ఒక యువతి జీవితంలోని సవాళ్లను, సమాజంతో ఆమె చేసే పోరాటం, ఆమె తీసుకునే తీవ్రమైన నిర్ణయాల చుట్టూ తిరుగుతుంది.  ఈ మూవీలో అదితి బాలన్ ప్రధాన పాత్రలో నటించింది. ఇందులో ఆమె నటనకు విమర్శకుల ప్రశంసలు కూడా దక్కాయి. అమెజాన్ ప్రైమ్ వీడియో (Amazon prime video) లో ఈ మూవీ స్ట్రీమింగ్ అవుతోంది. తెలుగులో కూడా ఈ సినిమా అందుబాటులో ఉంది.

Share

• 
• 
• 
• 
• 
•