OTT Movie : సైకలాజికల్ థ్రిల్లర్ అభిమానులకు లిఫ్ట్ బ్యాక్‌డ్రాప్‌తో కూడిన ఒక ఉత్కంఠభరితమైన కథ ఓటీటీలో అందుబాటులో ఉంది. ఈ చిత్రం 2011లో వచ్చిన హాలీవుడ్ చిత్రం ‘Elevator’ నుండి స్ఫూర్తి పొందింది. అయితే కథాంశం కొంచెం భిన్నంగా ఉంటుంది. ఒక వేశ్య మర్డర్ చూట్టూ ఈ స్టోరీ తిరుగుతుంది. ఈ మలయాళం సినిమా పేరు ఏమిటి ? ఎందులో స్ట్రీమింగ్ అవుతుంది ? స్టోరీ ఏమిటి ? అనే వివరాల్లోకి వెళ్దాం పదండి.
కొచ్చిలోని ఒక పెద్ద అపార్ట్మెంట్ కాంప్లెక్స్‌లో జరిగే వార్షికోత్సవ వేడుకకు పోలీస్ కమిషనర్ సియాద్ ముఖ్య అతిథిగా హాజరవుతాడు. అతనితో పాటు, లిఫ్ట్ ఆపరేటర్ తంబురాన్, రచయిత సామువల్, అపార్ట్మెంట్ బిల్డర్, అతని భార్య, ఒక ఐటీ ఉద్యోగి అతని స్నేహితురాలు, అమెరికా నుండి తిరిగి వచ్చిన వ్యక్తి, ఒక చిన్న బాలుడు లిఫ్ట్‌లో ఉంటారు. వీళ్ళంతా టాప్ ఫ్లోర్‌కు వెళ్తుండగా, లిఫ్ట్ అకస్మాత్తుగా ఆగిపోతుంది. వీళ్ళంతా లిఫ్ట్ లోపల ఇరుక్కుపోతారు. ఈ పరిస్థితిలో తంబురాన్ అనే వ్యక్తి రాగిణి అనే వేశ్య గురించి చెబుతాడు. ఆమె మునుపటి రాత్రి అపార్ట్‌మెంట్‌లో ఒకరిని కలవడానికి వచ్చి అదృశ్యమైందని, ఆమె కొడుకు ఆమె కోసం ఎదురు చూస్తున్నాడని తెలుస్తుంది. లిఫ్ట్‌లో ఇరుక్కున్న వారిలో ఎవరో ఆమెతో సంబంధం కలిగి ఉన్నట్లు సూచనలు వస్తాయి. లిఫ్ట్ ఒక్కసారిగా ఊగడంతో భయం, గందరగోళం పెరుగుతాయి. లిఫ్ట్‌లోని ఒక ప్రయత్నంలో, రాగిణి లిఫ్ట్ పైభాగంలో మృతదేహంగా కనిపిస్తుంది. ఇది హత్యగా నిర్ధారణ అవుతుంది.
కమిషనర్ సియాద్, లిఫ్ట్ లోపల నుండే ఈ హత్య కేసును విచారించడం ప్రారంభిస్తాడు. ఒక్కొక్కరి గతం, రాగిణితో వారి సంబంధాలు ఫ్లాష్‌బ్యాక్‌ల ద్వారా బయటికి వస్తాయి. రాగిణి ఒక క్లయింట్‌తో సంబంధం కలిగి ఉందని, ఆమె హత్యకు దారితీసిన రహస్యాలు బయటపడతాయి. తంబురాన్, సామువల్ ఇతరులు రాగిణితో వివిధ సందర్భాలలో కలిసినట్లు తెలుస్తుంది. ఇప్పుడు ప్రతి ఒక్కరూ అనుమానితుడిగా మారతారు. క్లైమాక్స్‌లో, రాగిణి హత్య వెనుక ఒక షాకింగ్ ట్విస్ట్ వెల్లడవుతుంది. ఇది లిఫ్ట్‌లోని ఒక వ్యక్తి కుట్రను బయటపెడుతుంది. ఆ వ్యక్తి ఎవరు ? రాగిణిని ఎందుకు చంపాడు ? ఎలా చేశాడు ? అనే ప్రశ్నలకు సమాధానాలను తెలుసుకోవాలనుకుంటే, ఈ మలయాళ సైకలాజికల్ థ్రిల్లర్ చిత్రంని మిస్ కాకుండా చూడండి.
‘Up & Down: Mukalil Oralundu’ 2013లో విడుదలైన మలయాళ సైకలాజికల్ థ్రిల్లర్ చిత్రం. టి.కె. రాజీవ్ కుమార్ దర్శకత్వంలో, ఇంద్రజిత్ సుకుమారన్ (తంబురాన్), మేఘనా రాజ్ (రాగిణి), ప్రతాప్ పోతన్ (సామువల్), కె.బి. గణేష్ కుమార్ (పోలీస్ కమిషనర్ సియాద్), రమ్యా నంబీసన్ (ప్రసన్న) ప్రధాన పాత్రల్లో నటించారు. ఇది 2013 మే 24న విడుదలై, 1 గంట 50 నిమిషాల రన్‌టైమ్‌తో IMDbలో 5.2/10 రేటింగ్ పొందింది. ఈ సినిమా అమెజాన్ ప్రైమ్ వీడియో, జీ5లో మలయాళం ఆడియోతో, ఇంగ్లీష్, తెలుగు సబ్‌టైటిల్స్‌తో అందుబాటులో ఉంది.
Read Also : ప్రియుడి కొడుకుతోనే యవ్వారం… వృద్ధాప్యం దరిచేరని అమ్మాయి అరాచకం… సింగిల్ గా చూడాల్సిన మిస్టరీ థ్రిల్లర్
Share
Today Horoscope in Telugu: నేటి రాశిఫలాలు.. 12 రాశుల ఫలితాలు ఇలా.. (05/09/2025)
Delhi-NCR Earthquake: ఆఫ్ఘాన్ ఎఫెక్ట్ ఢిల్లీని తాకింది.. మళ్లీ భూప్రకంపనల భయం
