తెలంగాణలో మున్సిపల్ ఎన్నికల వేడి మొదలైంది. రాష్ట్రంలో స్థానిక సంస్థల ఎన్నికలను నిర్వహించేందుకు కాంగ్రెస్ ప్రభుత్వం వేగంగా అడుగులు వేస్తోంది. ఈ నేపథ్యంలో ముఖ్యమంత్రి రేవంత్ రెడ్డి జిల్లాల పర్యటనలకు సిద్ధమవుతున్నారు.
తెలంగాణలో మున్సిపల్ ఎన్నికల నిర్వహణకు అధికార కాంగ్రెస్ ప్రభుత్వం కసరత్తును ముమ్మరం చేసింది. జనవరి నెలలోనే ఎన్నికల షెడ్యూల్‌ను విడుదల చేసే దిశగా రాష్ట్ర ప్రభుత్వం అడుగులు వేస్తోంది. ఇప్పటికే వార్డుల విభజన, ఓటర్ల జాబితా రూపకల్పన వంటి ప్రక్రియలపై ఉన్నతాధికారులతో ముఖ్యమంత్రి రేవంత్ రెడ్డి సమీక్షలు నిర్వహిస్తున్నారు. సంక్రాంతి తర్వాత ఎన్నికల నగారా మోగే అవకాశం కనిపిస్తోంది.
ఎన్నికల నేపథ్యంలో పార్టీ శ్రేణుల్లో ఉత్సాహం నింపేందుకు సీఎం రేవంత్ రెడ్డి భారీ బహిరంగ సభలకు శ్రీకారం చుట్టనున్నారు. వచ్చే నెల 3వ తేదీన మహబూబ్‌నగర్ జిల్లా జడ్చర్లలో నిర్వహించనున్న భారీ సభతో ఆయన తన ప్రచారాన్ని ప్రారంభించనున్నారు. ఈ సభ ద్వారా మున్సిపల్ ఎన్నికల ప్రచారానికి అధికారికంగా తెర లేవనుంది. జడ్చర్ల సభ అనంతరం రాష్ట్రంలోని మిగిలిన జిల్లాల్లోనూ ముఖ్యమంత్రి పర్యటించి, ప్రభుత్వ సంక్షేమ పథకాలను ప్రజల్లోకి తీసుకెళ్లేలా ప్రణాళికలు సిద్ధం చేస్తున్నారు.
గత అసెంబ్లీ, పార్లమెంట్ ఎన్నికల్లో సాధించిన విజయాన్ని మున్సిపల్ ఎన్నికల్లోనూ పునరావృతం చేయాలని కాంగ్రెస్ భావిస్తోంది. ముఖ్యంగా పట్టణ ఓటర్లను ఆకర్షించేలా సీఎం పర్యటనలు ఉండనున్నాయి. సీఎం పర్యటనకు సంబంధించిన పూర్తి షెడ్యూల్‌ను ప్రభుత్వం త్వరలోనే అధికారికంగా విడుదల చేయనుంది. అటు ప్రతిపక్షాలు కూడా ఎన్నికలకు సిద్ధమవుతుండటంతో రాష్ట్రంలో రాజకీయ వాతావరణం ఒక్కసారిగా వేడెక్కింది.
ALSO READ: AP NEWS: ఉత్తరాంధ్రపై జనసేన ఫోకస్.. పవన్ ప్లాన్ ఇదేనా!
Share
Coconut Dosa Recipe: ఒక్కసారి టేస్ట్ చేస్తే మళ్లీ మళ్లీ తినాలనిపించే కొబ్బరి దోశ.. పిల్లల నుంచి పెద్దల వరకు ఫేవరేట్!
Psych siddartha OTT: ఆ ఓటీటీకే సైక్ సిద్ధార్థ డిజిటల్ రైట్స్..స్ట్రీమింగ్ ఎప్పుడంటే?
